"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
17-декабрда Жогорку Кеңештин депутаттары ант берип, парламенттин 8-чакырылышы ишин расмий баштады. Беш депутаттык топ түзүлүп, Нурланбек Тургунбек уулу парламенттин төрагалыгына экинчи жолу шайланды. Парламенттин бул чакырылышы канчалык эркин, көз карандысыз болот деген суроо күн тартибинде турат.
Биринчи сессияда беш депутаттык топ түзүлүп, парламенттин төрагалыгына Нурланбек Тургунбек уулу кайрадан шайланды. Деген менен парламенттин бул чакырылышы канчалык эркин, көз карандысыз болот деген суроолор жаралды.
Соңку жылдары Кыргызстан менен Түркмөнстан алака-катышты жандантууга аракет кылып келет. Эки өлкө мындан беш жылдай мурун өнүктүрүү фондун түзүүнү макулдашканы менен ал азырынча ишке аша элек.
ТИМ Конституциялык соттун чечимине байланыштуу атайын билдирүү таратты.
Октябрь окуяларынан кийин келген бийлик коррупцияга каршы аёосуз күрөш жүргүзүүгө убада берген жана жемкорлукка каршы мыйзамдарды катаалдаткан.
БШК 8-декабрда шайлоонун жыйынтыгын бекитип, мандат алчуларды аныктады.
"Азаттык" парламенттик шайлоодо көп добуш менен алдыга чыгып, биринчи жолу депутат болгону жаткандарды талдады.
Ички иштер министрлиги (ИИМ)кармалган мурдагы үч судьяга, прокуратура кызматкерине жана кылмышка шектүүнүн жактоочусуна карата Кылмыш-жаза кодексинин "коррупция" жана "сот адилеттигине жатпаган өкүмдү же башка соттук актыны чыгаруу" беренелери менен кылмыш иши козголгонун билдирди.
Судьялар кеңеши 17 жаштагы Айсулуу Мукашеваны мыкаачылык менен өлтүрүүгө шектүү Кумарбек Абдыровдун буга чейинки кылмыш жазасын жеңилдеткен Бишкек шаардык сотунун мурдагы үч судьясын кылмыш жоопкерчиликке тартууга макулдук берди.
Бээжиндин башкы дипломаты Ван Инин Бишкектеги эки күндүк расмий сапары аяктады. Аны президент Садыр Жапаров кабыл алды, тышкы иштер министри Жээнбек Кулубаев менен жолугуп, эки өлкөнүн алака-катышы талкууланды. Вандын сапары кытай мигранттары аралашкан окуялар орун алган учурга туш келди.
Улуттук коопсуздук комитети (УКМК) эттин баасын негизсиз көтөргөндөр жоопко тартыларын эскертти. Атайын кызмат тиешелүү мекеме-органдардын өкүлдөрү менен бирге мунун алдында Бишкек шаарында эт сатылган ири жана чакан соода жайлардын ээлери менен жолугушууларды өткөргөн.
Бишкек менен Ош шаарларынын мэрлерине байланышкан соңку окуялар жалпы мамлекеттик кызматкерлердин жүрүм-туруму жана этикасына байланыштуу талкуу жаратты.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Кыргызстанда уруу-урууга бөлүнүп курултай өткөргөн көрүнүштөр токтошу керектигин айтты. Өлкө эгемен алгандан бери мындай учурлар көбөйгөн жана бул коомдогу бөлүнүп-жарылууга алып келери тууралуу сын айтылып келген.
Мамлекет башчысы Садыр Жапаров буга чейин мурдагы президент Алмазбек Атамбаевдин энергетика тармагы боюнча айткан сынына 14-ноябрда “Кабар” улуттук агенттигине курган маегинде жооп берди. Атамбаев Жапаровдун энергетикалык каатчылык тууралуу билдирүүсүнө байланыштуу үн каткан эле.
Башкы прокуратура мыйзамсыз табылган мүлктү конфискациялоо механизмин өзгөртүү боюнча мыйзам долбоорун даярдап, аны коомдук талкууга чыгарды. Бул демилге жеке менчик кол тийбестиги, күнөөсүздүк презумпциясы тууралуу талаш-талкуу жаратты.
Борбордук шайлоо комиссиясы (БШК) эки талапкерин үгүт өнөктүгүнүн эреже-талабын бузган деп айыпка жыкты.
Алмазбек Атамбаев азыркы мамлекет башчысы Садыр Жапаровдун соңку билдирүүсүнө, тактап айтканда энергетика тармагы тууралуу айткандарына комментарий берди. Ал Фейсбук баракчасына өз бийлигинин тушунда бул тармакта жасалган иштерге токтолуп, бул жаатта туура эмес маалымат берилип жатканын белгиледи.
Борбордук шайлоо комиссиясы (БШК) мөөнөтүнөн мурда парламенттик шайлоого талапкер көрсөтүү мөөнөтү аяктаганын билдирди. Анда 589 адам арыз тапшырганын, алардын 224ү аялдар экенин кабарлады. Боршайком ушул тапта каттоону улантып, айрымдарын шайлоого катышуудан четтетип жатат.
Дагы жүктөңүз
